"कविताको देश"

मैले साझामा बिभिन्न धागाहरुमा छरेर टाँसेका छन्दविहीन कविताहरुलाई एकै ठाऊँमा ल्याउन र अब टाँस्ने कविताहरुलाई पनि यसैमा टाँस्न भनेर यो नया धागो फुकाको हुँ।

साझामा आउनु मेरो लागि जीवनको सानोतिनो क्रान्तिनै भएजस्तो मानेको छु मैले, विशेष गरी मेरो रोकिएको लेखन यात्रामा फेरि गति आएकोमा । नेपाली भाषा मेरो जिन्दगीको मिठास जस्तो लाग्छ मलाई। साझामा मिल्ने प्रतिकृयाहरुले मलाई धेरै सुधारेका छन्, मेरो जिन्दगीमा
"मिठास" थपेका छन् ।

यो धागोमा सबै साथीहरुलाई सकृय सहभगिताको लागि स्वागत छ।
साथीहरुका कविताहरु पनि पढ्न पाउने आशा गरेको छु।
***********************************************************

पहिले टाँसिसकेका कविताहरुबाट शुरु गर्दैछु। सबभन्दा पहिला, मेरो कविताको
"परिभाषा" बाटै ।



"मेरो कविता"


दिनभरि यन्त्रहरू, यान्त्रिक समीकरणहरू र रेखाहरूसँग

यन्त्रवत् चलेपछि,

साँझ पर्दासम्म

मुटु यन्त्रवत् टुक्रिएर चोइटा चोइटा बनिसक्छ;

म थुपार्छु चोइटाहरू

र कलमको अगुल्टो झोसेर फुकिदिन्छु,

हुर्हुरी बल्छ मेरो कविताको आगो

र म एकपटक फेरि जन्मन्छु ।

View/Share this post only

Damn.... gotcha...
अब हुन्छ होला HTML हो भने हुन्छ, एकछिन है साथीहरू...

धन्यवाद् गौतम जी र सिरे बुरो

View/Share this post only

Congratulations BM.

< font size="4" color="green" > गजब भयो नि अब त... Thanks again friends!!

sorry i did smth wrong in my previous post...:P:P
< font size="4" color="green"> गजब भयो नि अब त... Thanks again friends!!

आज फेरि बिर्खेले कागे बनायो, जानी जानी उल्लु बनायो, त्यो "&" र "lt;" एकै ठाममा होईन कि, साँच्चै जो तो तिखो परेको चईनी "<" लेखम न रेला नगरिकन, त्याँसी फेरि मुर्गा बनाम त हामीलाई, लौ हेरम त ।

Keep rolling...

बिर्के जी

" यस्तो गर्यो भने" लेख्न तल हेर्नुस। :-)

Thanks Gautam ji :$

View/Share this post only

सिरे बुरो मुर्गा :P:P

View/Share this post only

< font size="4" color="blue"> Thanks Bhautee bro...

:-)

Thanks Bhautee bro... अब चाइन्जो थाहा भो ...

View/Share this post only

सम्झना-

हरेक रात
तिम्रो यादको दियो बालेर
शैय्यामा लड्छु
सपनीमा पनि तिम्रै अधिकार हुन्छ
बिहानी हुन्छ
तिमिलाई बाहुपाशबाट हटाउने मन हुँदैन
तर यी आँखा खुल्छन्
अनायाशै तिमि हराउँछौ

अनि फेरि
चराहरुको चिरविर सङ्गै
तिमिले गित गाउँछौ
पात पात मा परेको शितको थोपा सङ्गै
तिमी मनभरि छाउँछौ
पूर्वको लालीमा पनि
तिम्रो खालि सिउँदो अझै खालि देख्छु
र त्यो लाली टिपेर रंगाउन खोज्छु

अनि मध्यान्न हुन्छ
सर्वस्व ढाक्ने तातो घामले
तिम्रो मिठो अंगालोको आभाष दिन्छ
तिमि मै हराउँदै हराउँदै
कति बेला सांझ पर्छ पत्तै हुँदैन
घाम डुब्दै जाँदा फेरि
तिम्रो गित सुन्छु
अनि अन्तरा अन्तरामा म हराउँछु

साँझको विरानीमा
एकछिन म एक्लै हुन्छु
फेरि तिमि निशा संगै आउँछौ
मेरो मन ढाकिन्छ, छोपिन्छ र हराउँछ
अनि फेरि अर्को रात पर्छ!!!

पूर्वको लालीमा पनि
तिम्रो खालि सिउँदो अझै खालि देख्छु
र त्यो लाली टिपेर रंगाउन खोज्छु


जिम्माल्नी आमैलाई कति सम्झेको?

लप लेटर हो ऊ बेलाको? कि बिहेको प्रस्ताव?

दामी गयो जिम्मालको!

.....तिम्रो खालि सिउँदो अझै खालि देख्छु
र त्यो लाली टिपेर रंगाउन खोज्छु
------------------------------------------------
साँझको विरानीमा
एकछिन म एक्लै हुन्छु
फेरि तिमि निशा संगै आउँछौ
मेरो मन ढाकिन्छ, छोपिन्छ र हराउँछ
अनि फेरि अर्को रात पर्छ!!!


सशक्त भाव संयोजन र प्रस्तुतिका लागि बधाइ।

दादा के गर्नु सम्झना आउँछ ( तर यो कबिताको 'तिमि' लाई चाहिँ जिम्माल्नी बनाउँनै बाँकि छ)
:)

धन्यवाद् गौतम जी, भाव संयोजन र प्रस्तुति मन पराइदिनु भएकोमा। तपाई हरुकै प्रभाव हो यो मेरो प्रयास!!

खै कहाँ छ मेरो माया?


बर्षौँ कुरेँ मैले!
कहिले साथ खोजेँ
कहिले सान्तवना खोजेँ
फगत एक साथी खोजेँ!

यात्रा मा खोजेँ
बास मा खोजेँ
जिवनको हरेक सास मा खोजेँ

आनन्दमा खोजेँ
खुसिमा खोजेँ
रमाएर त्यसै उल्लासमा खोजेँ

विस्मातमा खोजेँ
त्रासमा खोजेँ
कहाली लाग्दो उदासीमा खोजेँ

आशाको मिठो भावमा खोजेँ
निराशाको घोर त्रासदीमा खोजेँ
यथार्थको विराट,
कटु सत्यमा खोजेँ

तर

खै कहाँ छ मेरो माया?
बर्षौँ कुरेँ मैले
कहिले साथ खोजेँ
कहिले सान्तवना खोजेँ
फगत एक साथी खोजेँ!

:)

तिमी -

म तिमीमा हराएँ,
मैले के विराएँ?
शायद म,
तिमीलाई मन पराउँछु।

शायद म,
कुमारी युवतीको ओठ बाट फुस्केको
मोहक लजालु मुस्कानको पवित्रतामा हराउँछु ।

शायद म,
उत्सुक, चंचले बालकको
चम्किला आँखाको निर्दोषतामा डुब्छु।

शायद म,
पहिलो वर्षात्को पानी संगै आउने,
पृथ्वीको प्राकृतिक सुगन्धमा बिलाउँछु।

शायद म,
म असारे फाँटको नयाँ हरियाली अनि,
भर्खर फक्रेको गुलाफको सुन्दरतामा बाँच्छु।

शायद म,
तिमीलाई मन पराउँछु
त्यसैले,
म तिमीमा हराएँ,
मैले के विराएँ?

Happy Holiday everyone!!! :)

वाह माइला वाह,
केहि बिराएनौ तिमीले।
तर मुस्कानमा पवित्रता आउनलाई युवती कुमारी नभए पनि हुन्न र?